Anaga hadaanu nahay xafiiska shaqada H’smeenlinna waanu kaa caawin doonaa inaad horay u socoto hadii xaaladaada caafimaad ay saameyn ku yeelato shaqo raadintaada iyo awooda aad ku shaqeyn karto. Waxaad heli doontaa taageero si aad u hesho xalal kugu habboon!

Haddii aad hayso warbixin caafimaad ee cusub, fadlan tus tababarahaaga gaarka ah ee adeegyada shaqada. Tababaraha ayaa ku siin doona taageero iyo macluumaad ku saabsan fursadahaaga kala duwan, isaga oo tixgelinaya xaaladdaada caafimaad. Waxaad kala hadli kartaa tababaraha nooca shaqada ama tababarka kugu habboon, haddii aad ku sii wadan karto xirfadda aad hadda ku jirto ama haddii aad ka fiirsanaysid inaad beddesho xirfadaada, ama noocyada taageerada ee aad heli karto (tusaale ahaan isku-day shaqo, mushaar kabid, kabidda diyaarinta xaaladaha shaqada). Haddii loo baahdo, tababaraha ayaa kuguu hagi karo baxnaaninta xirfadda Kelada, tusaale ahaan.

Adeegyada TE: sida naafonimada ama jirradu u saameyn karaan shaqada

KELA: taageerada baxnaaninta xirfadeed

BAARITAANKA CAAFIMAAD EE SHAQO LAAWAHA

Haddii caafimaadkaaga aan la eegin waqti dheer ama aad dareento inuu isbeddelay, waa inaad heshaa baaritaan caafimaad oo loogu talagalay dadka shaqo laawayaasha ah. Haddii loo baahdo, waxaa laguu gudbin doonaa baaritaanno caafimaad oo faahfaahsan iyo dhaqancelin caafimaad, xirfadeed ama bulsheed.

Haddi aad tahay shaqo raadsade shaqo la’aan ah, waxaad xaq u leedahay baaritaan caafimaad oo bilaash ah. Waxaad ku sameyn kartaa baaritaan caafimaad oo onlaynka ah adeegyada Omaolo. Raac tilmaamaha aad ka hesho adeegga. Waxaad xitaa ballan baaritaan caafimaad ah toos uga sameysan kartaa rugtaada caafimaadka.

Tag adeegga onlaynka ee Omaolo

HAWLAHA BAXNAANINTA SHAQADA

Hawlaha baxnaaninta dhaqancelintu waa adeegyo bulsheed oo ay caasimaddu u qabato shaqo dooneyaasha shaqo la’aanta ah. Ujeeddadiisu waa in la hagaajiyo maareynta nolosha macmiilka iyo in loo abuuro xaalado shaqo.

Hawlaha baxnaaninta shaqada waxaa abaabula tusaale ahaan ururada, hay’adaha iyo xafiisyada caasimadda iyo gobolka.

Haddii aad shaqo doone shaqo la’aan muddo dheer ahayd, ay kugu adagtahay inaad boos ka hesho suuqa shaqada oo aad ubaahan tahay tallaabooyin taageero shaqaaleed oo gaar ah, kala hadal tababarahaaga gaarka ah, shaqaalaha bulshada ama macallinka bulshada fursaddaada howlaha baxnaaninta shaqo. Kahor intaadan u marin helin howlaha baxnaaninta shaqo, waxaa lagula dejinayaa qorshe bilaabid ama qorshooyin shaqo oo kala duwan, kaas oo waafaqaya howlaha baxnaaninta shaqo, ujeedooyinkooda iyo taageerada aad hesho inta lagu gudajiray.

Akhri warar dheeraad ah oo ku saabsan howlaha shaqo baxnaaninta

QIIMAYNTA KARTIDA SHAQO

Ujeedada qiimeynta kartida shaqo waa in la ogaado oo la qiimeeyo shaqada iyo kartida wax qabadka ee macaamiisha da’doodu u dhaxeyso 18 iyo 63 sano kuwaas oo lagu hagaajinayo adeeg qoraal gudbin ah iyo waliba fursadaha baxnaaninta iyo helitaanka lacagta hawlgabka.

Kala hadal xaaladaada khabiirkaaga khaaska ah, shaqaalaha bulshada ama macalinka bulshada. Haddii ay lagama maarmaan noqoto, waxay kuu jiheyn doonaan qiimeynta kartida shaqada iyadoo loo dirayo tixraac gaar ah oo qoraal ah iyadoo lagu gudbinayo ogolaanshahaaga bixinta macluumaadka ku lifaaqan.

Akhri warar dheeraad ah oo ku saabsan qiimeynta kartida shaqo